అంతులేని దగ్గు - కారణాలు - చికిత్స - నివారణ

 అంతులేని దగ్గు - ఏమిటి సంగతి

Dr. A. Venu Gopala Reddy

        ఇప్పుడు దేశంలో ప్రతి నలుగురిలో ఒకరు దగ్గు, జ్వరం, జలుబుతో బాధపడుతున్నారు. మొన్న శివరాత్రి తరువాత నేను కూడా 4 రోజులు త్రీవ్ర దగ్గుతో బాధపడ్డా. ప్రజలు దగ్గుమందుల కోసం మెడికల్ షాపుల ముందు క్యూ కడుతున్నారు. బాటిల్స్ కొద్ది దగ్గు మందు తాగిన దగ్గు తగ్గడం లేదంటున్నారు. 20-30రోజులు ఉంటుంది దగ్గు. అయినా ఆందోళన చెందాల్సిన అవసరం లేదు

        వీటన్నిటికీ కారణం H3N2 ఇన్ఫ్లుఎంజా వైరస్. శీతాకాలం నుండి ఎండాకాలం సీజన్ మారేటప్పుడు ఈ వైరస్ బాగా వ్యాప్తి చెందుతుంది. వాతావరణ కాలుష్యం కూడా కారణం.

లక్షణాలు

        జ్వరం, దగ్గు, జలుబు, ఒంటి నొప్పులు, అలసట, వాంతులు, విరేచనాలు, శ్వాస కష్టంగా ఉండటం సాధారణంగా కనిపించే లక్షణాలు

చికిత్స

            మందులు వాడితే వారం రోజుల్లో వాడకుంటే ఏడు రోజుల్లో తగ్గే జబ్బు ఇది (మళ్ళీ చదవండి). ఇది వైరల్ వ్యాధి కాబట్టి అంటి బయోటిక్స్ వాడొద్దు సాధారణ మందులు పారాసెటమాల్, దగ్గు మందు, జలుబు మందులతో తగ్గిపోతుంది.

        బాగా ఫ్లూయిడ్స్ తీసుకోవాలి. కొబ్బరి నీళ్లు, జావా, పండ్ల రసాలు, తేనె, గోరు వెచ్చటి నీరు తీసుకోవాలి. విశ్రాంతి చాలా అవసరం. గృహ చిట్కాలు బాగా పనిచేస్తాయి. గొంతు GARGLING చేయాలి.

            శ్వాసలో బాగా ఇబ్బంది ఉంటే వెంటనే డాక్టర్ నీ సంప్రదించాలి

నివారణ

1. సామూహిక ప్రాంతాలకు దూరంగా ఉండాలి

2. మాస్క్ వాడాలి

3. చేతులు పరిశుభ్రంగా ఉంచుకోవాలి

DR.A. VENU GOPALA REDDY, PhD in Microbiology

Principal, TS MODEL SCHOOL, GHANMUKLA, KARIMNAGAR 9948106198